குலதெய்வத்தை வழிபடாதவர்களுக்கு இதெல்லாம் நடக்கும்

குலதெய்வம் என்றால் என்ன?

குலதெய்வ சாபம் ஏன் ஏற்படுகிறது?

அதை நிவர்த்தி செய்ய என்ன செய்ய வேண்டும்.

குலம் காக்கும் குலதெய்வம்.

கையெடுத்து கும்பிட்டா கஷ்டங்கள் காணாம போகும். குல தெய்வத்தை யார் ஒருவர் விடாமல் தொடர்ந்து வழிபாடு செய்கிறார்களோ, அவர்கள் வேண்டும் வரம் எல்லாம் கிடைக்கும்.

ஒருவரது வம்சாவளியில் வரும் தாத்தா பாட்டி, தாய் தந்தையர் போன்றோர்கள் குலதெய்வத்திற்கு செய்யவேண்டிய வருடாந்திர பூஜையை முறையாக செய்ய தவறினாலோ, குலதெய்வத்தை அடியோடு மறந்து வேறு இஷ்டதெய்வங்களை மட்டுமே வணங்க தொடங்கி குலதெய்வ கோயிலிற்கு செல்வதை முற்றிலும் தவிர்த்து விட்டாலோ குலதெய்வத்தின் சாபம் நிச்சயம் ஏற்படும்.

இந்த சாபம் முடிந்து நமது சந்ததியினருக்கு இது தொடராமல் இருக்க சாப நிவர்த்தி செய்வது அவசியம். நம் முன்னோர்கள் எந்த முறையில் குலதெய்வத்தை வணங்கினார்களோ அதே முறைப் படி நாம் வணங்க வேண்டும். நமது தவறுக்காக குலதெய்வத்திடம் மன்னிப்பு கேட்டுக்கொண்டால் சாபம் தீரும்.

ஒருவரின் குடும்பம் ஆல்போல் தழைக்க குல தெய்வ வழிபாடு அவசியம். பெண்களுக்கு பிறந்த வீட்டு குலதெய்வம், புகுந்த வீட்டு குலதெய்வம் என இரண்டு உண்டு. திருமணத்திற்குப் பின்னரும் பிறந்த வீட்டு குல தெய்வத்தை வணங்கினால் புகுந்த வீட்டில் ஏற்படும் சிரமங்களை சமாளிக்கலாம்.

குலதெய்வங்கள் கர்மவினையை தீர்க்கவல்லவை. கர்மவினை அதிகம் இருப்பவர்களுக்கு குலதெய்வம் தெரியாமலேயே போய்விடும். குல தெய்வ தோஷம் இருந்தால் பிற தெய்வங்களின் அருள் கிடைக்காது .

குல தெய்வத்தின் பெருமையை நம் தலைமுறையினரும் புரிந்து கொள்ளும் வகையில் ஆண்டுக்கு ஒரு முறையாவது குழந்தைகளையும் அழைத்துச் சென்று குலதெய்வத்தின் அனுக்கிரகம், அருள், முன்னோர்களின் ஆசியை பெறுவோம்.

குல தெய்வ சாபம்.

தன் வீட்டு குல தெய்வத்தை மறந்தவர்கள் அல்லது குலதெய்வ கோயிலை சரியாக பராமரிக்காதவர்கள் அல்லது குலதெய்வ கோயிலுக்கு அடிக்கடி செல்லாமல் மறந்து இருந்தால்

கீழ்க்கண்ட அசுப பலன் உண்டாகும்.

திருமணம் வெகு தாமதமாகும்.

குழந்தைப்பேறு பிரச்சனைகளை சந்திக்க நேரிடும்.

விவாகரத்து வழக்குகளில் சிக்கும் நிலை உண்டாகும்.

சொத்து சம்பந்தப்பட்ட வழக்குகளை எதிர்கொள்ள நேரிடும்.

அடிக்கடி கருக்கலைதல் ஏற்படும்..

வம்ச விருத்திக்கு ஆண் குழந்தை இருக்காது.